Интернет, уақыт және адам

Қазіргі техниканың алуан түрлері дамыған заман. Осы техниканың ішінде әрбір адам күнделікті өмірде  компьютер, ұялы телефон  қолданады. Осы құралдар арқылы  интернет жүйесіне кіреді.

Интернет ақпарат көзі және байланыс құралы  болып табылады. Интернеттің  пайдалы және зиянды тұстары да бар. Пайдалы тұстары,  яғни интернет жүйесі арқылы біз өзімізге керек ақпарат көзінің таба аламыз. Сонымен  қатар,  үйден шықпай-ақ өзіңізге керекті тауарды сатып  аласыз, төлем  төлей аласыз (коммуналдық) және т.б. Зиянды тұстары интернетте барлық ақпаратты тапқанмен, бірақ  бұл ақпараттың пайдалы, не болмаса зиян екенін ажырата білген дұрыс. Қазір жастардың басым көпшілігі кітап оқуға ниетсіз деп айта аламын.  Бұған себеп - интернет. Себебі, ғаламтордан ақпаратты дайын күйінде көшіріп алып, кез-келген сұраққа жауап ала алады. Осылайша, адамның түсінуі, ойлау қабілеті дұрыс дамымайды.

Сондай-ақ, көп адамдар өз уақыттарын әлеуметтік желілерде өткізеді. Мысалға, ВКонтакте, Одноклассники, Facebook, Instagram сияқты кез-келген әлеуметтік желілерде  виртуалды әлемін құрып алып, шынайы қарым-қатынастан алшақтай бастайды.

Әрине, интернет - ақпарат іздеу үшін, сақтау үшін қажет жүйе. Әр  адамның таңдауы  өз еркінде.  Қазіргі технологияның дамыған заманында уақытты тиімді пайдалана білейік. «Уақыттың бос өткені - өмірдің бос кеткені» деген мақал бекерге айтылмаған.

Бозова Б.
автоматтандыру бөлімінің кітапханашы - программисті