Отбасы – шағын мемлекет

Елбасымыз: «Отанға деген сүйіспеншілік отбасынан басталады. Туған шаңырақтан алған тәрбие – бұл барша халқымыздың бақуатты да табысты болашағының кепілі», - деп отбасы тәрбиесінің рөлін айқындап берген. Сондықтан, бақытты отбасын құру, шаңырағын шайқалтпай, керегесін кеңейтіп, татулықты сақтау – ерлі-зайыптылардың басты міндеттері.

  Махаббат тақыры­бын шығармаларының арқауы еткен Бексұлтан Нұржекеев «Ерлі-зайыптылар» романында бақытты отбасы – екі жастың махаббатымен қатар төзімділік, сабырлық, кешірімді болу арқылы құралатынын жұбайлар өмірінен сыр шертеді. Романды басты үш кейіпкер – Ілескүл, Зеріп, Мұқаның мо­нологтық сырына құрады. Осы үшеуі ар­қылы әйел затының әркімге айтыла бермес жан сыры болатынын суреттеп шығады. Б.Нұржекеев: «Қазақ әйелі мың түрлі болу керек. Қазақтың азаматы да солай болуы керек. Түр-түсі, қылығы жағынан. Бірақ, таза болуы қажет... Ерлі-зайыптылардың бір-бірін мәңгі жақсы көруінің негізі осы тазалықта»-деген. Кейіпкердің қызына жасауы ретінде сыйға тартқан күнделігі – қымбат дүниеден артық қазына екенін көреміз. Себебі, онда анасының басынан кешкен оқиғалары, жіберген қателері, жұбайлық өмірдің қызығы мен шыжығын, әйел мен еркектің арасындағы күрделі қа­­рым-қатынасты баяндап, қызына деген аналық тілегін байқаймыз.  Отбасылық өмірге қадам басқан жұптарға оқуға кеңес беремін.

Бақытты отбасында өскен бала – елінің үмітін арқалаған тұлғаға айналмақ. Отбасы – шағын мемлекет, сондықтан өз мемлекетіңді қалай құратының, қалай басқаруың – өз қолыңда.

   Студент кезімде бір мұғалімнің айтқан ақылы әлі есімде: «Ұрысып, жанжалдан абырой тапқан ешкім жоқ, саған ұрысып жатса, үндемей, басқа нәрсеңді ойлап отыра бер, мәселен, «аяғымның тырнағын қашан алдым?» деген скілді»,- дегені жақсы ақыл болды. Ал, сіздің отбасыңыздың татулығының сыры неде?!

Оқырмандарға қызмет көрсету бөлімінің кітапханашысы

Г.А. Бегимова