Белгілі адамдардың белгісіз қырлары

	Ақан сері қымыз берген үйдің ыдыс-аяғы кір болса, дастарқанын тастап жүре берген, кір жастықтан қашып, ер тоқымын жастанып, құла жүзге барып қонатын болған.
	Күш атасы Қажымұқан титімдей тышқаннан қатты қорқатын болған. Соны жақсы білетін ақын Иса Байзақов алып балуанға шынашақтай бойымен айтқанын істетеді екен.
	Бауыржан Момышұлы жазу үстеліндегі хаосты, қағаз, кітаптардың қалай болса, солай шашылып жатқанын ұнатқан. «Мой-порядок – это мой беспорядок» дейді екен.
	Жазушы Тәкен Әлімқұлов қақаған қыстан жалаңбас шығатын болған. Айтуынша, «бұл-қан қысымын төмендетуге де көмегі тиеді»
	Жазушы Асқар Сүлейменов күндіз ұйқтап, түні бойы кітап оқып жазу жазған.
	Ақын Жұмекен Нәжмеденов жыр жазып отырғанда, сіріңкенің  талдарын бір-бірлеп майдалап сындырып отырған.
	Көзі тірі жазушы Тынымбай Нұрмағамбетов үйренген автоқаламын қашан сынып қалғанша, қолынан тастамай, ішін ғана ауыстырып отырған. Жазуды бастағалы бері автоқаламын екі, үш-ақ рет ауыстырған. Қырық жылға жуық уақыт ішінде ұстағаны – сол үш қалам.
	Жазушы Мұхтар Мағауин қазы –қартаға тойып алған соң, жазуға отырады екен.
	Академик Асқар Жұмаділов ешқашан қалта телефон ұстамағанын білесіз бе?

Дереккөз: Айгөлек №6.- 2014.- 9б.